Сэрэмжийг нэмэгдүүлж-эрсдэлийг бууруулъя" 45 хоногийн арга хэмжээний удирдамж төлөвлөгөөний дагуу 2025.02.20 нд сумын ЕБС аас зохион байгуулсан "ЭЦЭГ, ЭХИЙН НЭГ ӨДӨР" арга хэмжээнд эцэг эхчүүдэд сумын "Эрүүл мэндийн салбар зөвлөл" "Хүүхдийн төлөө зөвлөл" ГХУССЗ, Хамтарсан баг хамтран өртөөчилсөн дараах сургалтыг зохион байгууллаа. Үүнд: 1. "Эрсдэлээс урьдчилан сэргийлье - болзошгүй эрсдэлийн үед анхны тусламжийг зөв үзүүлэх нь" 2. "Хүүхэд хамгаалалд эцэг эхчүүдийн үүрэг оролцоо- анхаарах зүйлс" 3. "Сургуулийн орчинд дах хүүхэд хамгаалал" 4. ЕБСургуулийн удирдлагаас "ЕБС-ийн үйл ажиллагаа - эцэг эхчүүдийн оролцоо" сэдвээр сургалтуудыг зохион байгуулж, санал бодлыг сонслоо.

"Сэрэмжийг нэмэгдүүлж-эрсдэлийг бууруулъяа" 45 хоногийн арга хэмжээний хүрээнд сумын ИТХ, ЗДТГ, ЕБС, Гал унтраах, аврах 46-р анги, Цагдаагийн тасаг, Соёлын төв, ГХУСАЗСЗөвлөл хамтран "Сурагчдын өөрөө удирдах байгууллагын үйл ажиллагааг идэвхжүүлэх нь" сургалт нөлөөллийн үйл ажиллагаа амжилттай зохион байгуулагдаж 1.СӨУБ удирдах сурагчид-ЕБС 2.Улаан загалмай хороо- Иргэдийн Төлөөлөгчдийн Хурал 3.Боловсролын хороо-Ерөнхий боловсролын сургууль 4.Цахим хөгжил аюулгүй байдлын хороо- ЗДТГ 5.Соёл урлаг,спортын хороо-Соёлын төв 6.Уур амьсгалын хороо-Цаг уурын өртөө 7.Өсвөрийн эмч-Эрүүл мэндийн төв 8.Өсвөрийн аврагч-Гал түймэр унтраах, аврах 46-р анги 9.Охидын зөвлөл-Эмэгтэйчүүдийн зөвлөл 10.Өсвөрийн сэргийлэгч-Цагдаагийн тасаг, ГХУСАЗСЗөвлөл 11.Өсвөрийн сурвалжлагч-СӨББ зэрэг бүлгүүдийг байгуулж бүлгүүдийг хариуцан ажиллах, үйл ажиллагааг чиглүүлэх байгууллагуудтай нь холбон ажиллалаа.

“Сэрэмжийг дээшлүүлж – эрсдэлийг бууруулъя” арга хэмжээг зохион байгуулж байна. Тариалан сумын хэмжээнд хүүхэд гэр бүлийн хүчирхийллийн эсрэг үйлдэгдэх гэмт хэрэг болон архидан согтууруулах ундааны хэрэглээ, сошиал орчны соёл, залилах, соён гэгээрүүлэх нөлөөллийн арга хэмжээ сургалт мэдээлэл, осол гэмтлээс сэрэмжлэх зэрэг гэмт хэргээс урьдчилан сэргийлэхэд аж ахуйн нэгж, байгууллага, иргэдийг уриалж, оролцуулах сургалт мэдээллээр хангах, хяналт шалгалтын үйл ажиллагааг зохион байгуулахад оршино.

Тариалан суманд 2025 оны 01 сарын 17-ны өдөр “АА -нийгэмлэгийн сургалт нөлөөллийн арга хэмжээ” зохион байгуулагдаж, АА-нийгэмлэгийн төлөөлөл Улаанбаатар хот, Эрдэнэт хот, Хөвсгөл аймгийн Мөрөн, Их-Уул, Бүрэнтогтох, Булган аймаг, Булган аймгийн Бугат сум, Түлүүгийн давааны АА-нийгэмлэгийн гишүүд 30 хүний бүрэлдэхүүнтэй баг ирж ажиллалаа. Сумын ИТХурал, ЗДТГазар, ГХУСАЗСЗ, Цагдаагийн тасаг, Хамтарсан баг, Эрүүл мэндийн төв, Соёлын төв хамтран зохион байгуулж, сумын төвийн 7 багаас 57 иргэн, 11:00-13:00 цагийн хооронд, 15:00-17:00 цагийн хооронд төрийн байгууллагуудын албан хаагчид, иргэд хамрагдлаа. Сумын Хүүхэд хамгааллын байранд сургалт нөлөөллийн ажил үргэлжлэн явагдсан болно.

Жендэрт суурилсан хүчирхийллийн эсрэг 16 хоногийн аян “Охид, эмэгтэйчүүд хаана ч аюулгүй "Шалтаг бүү тооч” уриан дор явагдаж байна. Аяны хүрээнд зарлагдаж байгаа цахим уралдаанд сумын Ерөнхий боловсролын сургуулийн сурагчдыг идэвхтэй оролцохыг уриалав.

"Хянамгай байя-Хамтдаа хамгаалъя" арга хэмжээний хүрээнд : 1. Аймгийн цагдаагийн газрын Гэмт хэргээс урьдчилан сэргийлэх чиглэлийн ажил хариуцсан ахлах мэргэжилтэн, Цагдаагийн дэд хурандаа О.Мөнхсайхан : "Гэмт хэргээс урьдчилан сэргийлэх, хүүхдийн эсрэг гэмт хэргээс урьдчилан сэргийлэхэд эцэг эх, асран хамгаалагчийн үүрэг сэдвээр, 2. Аймгийн цагдаагийн газрын хүүхдийн гэмт хэргээс урьдчилан сэргийлэх ахлах мэргэжилтэн, Цагдаагийн хошууч Ю.Одгэрэл. " Хүүхэд хамгаалал- хүүхэд хамгаалалд эцэг эх, асран хамгаалагч, багш, боловсролын байгууллагын ажилтны үүрэг оролцоо" сэдвээр сургалт мэдээллийг хийн ажиллалаа. Сургалтад нийт : 6 - 9 дүгээр ангийн 393 сурагч, 10 - 12 ангийн 163 сурагч, ЕБСургуулийн 32 багш, 15 ажилтан, эцэг эх, асран хамгаалагч 118 иргэд сургалтад хамрагдлаа. Мөн Жендэрт суурилсан хүчирхийллийн эсрэг "Шалтаг бүү тооч" үндэсний аяныг танилцуулан 6 - 12 ангийн 556 сурагч аянд нэгдлээ. Сургалтад багш сурагчид, асран хамгаалагчид хамрагдсан. Аймгийн цагдаагийн газар, Сумын Цагдаагийн тасаг, Ерөнхий боловсролын сургууль, ГХУСАЗСЗөвлөл, Хамтарсан баг хамтран зохион байгуулсан.

"ХЯНАЛТ ШАЛГАЛТ" ХЭСЭГЧИЛСЭН АРГА ХЭМЖЭЭ. Тариалан сумын Гэмт хэргээс урьдчилан сэргийлэх ажлыг зохицуулах салбар зөвлөлөөс сумын хэмжээнд дээрх аяныг зохион байгуулах ерөнхий төлөвлөгөө удирдамжийг баталлаа.

“Товш” аппликэйшнийг сумын иргэдийн Төлөөлөгчдийн Хурал болон ЗДТГ-р үйлчлүүлж буй иргэдэд сурталчлан таниулсан. Үүнээс гадна авлигаас урьдчилан сэргийлэх, соён гэгээрүүлэх зорилгоор Монгол Улсын Авлигатай тэмцэх газраас албан ёсоор гаргасан шторк, контентыг сошиал сувгууд хэвлэл мэдээллийн хэрэгсэл, бусад хэлбэрээр мэдээллэж сурталчилж ажилласан. Тариалан сумын төрийн байгууллагууд болон төрийн бус байгууллагуудад гарч буй хүнд суртал, чирэгдэл, авлигын шинжтэй аливаа хууль бус үйлдлийн талаар болон байгууллагын ил тод байдал шилэн дансны хяналтын талаар сумын иргэдийн Төлөөлөгчдийн Хурлын төлөөлөгч Ц.Отгонбатаар ахлуулсан 3 хүний бүрэлдэхүүнтэй ажлын хэсэг ажиллаж тодорхой чиг үүргийг өгч ажилласан.

Тариалан сумын хэмжээнд согтуугаар тээврийн хэрэгсэл жолоодох, насанд хүрээгүй болон жолоодох эрхийн үнэмлэхгүй иргэнд хуулийн хариуцлага хүлээлгэх иргэдэд хуулийн зүйл заалтын талаар ухуулга, сануулга, зөвлөмжийг өгч ажилласан.

Насанд хүрээгүй хүүхэд мотоцикл унах, мотоциклоор замын хөдөлгөөнд оролцож зам тээврийн осол гаргахаас сэргийлэх зорилгоор хамгаалалтын малгайг өмсөж насанд хүрсэн, үнэмлэх авсан, бүрэн бус биш тээврийн хэрэгслээр замын хөдөлгөөнд оролцох талаар мэдээллийг сумын хэмжээнд хийж ажиллаа. Сумын төвийн цагаан хоолойгоор иргэдэд мэдээлж, сошиал орчинд мэдээлэл тавьж, тараах материалыг иргэдэд цаасаар тарааж сумын ГХУСАЗСЗ болон Цагдаагийн тасаг хамтран зохион байгуулсан.

Тариалан сумын хэмжээнд Улсын Их Хурлын сонгууль, Үндэсний их баяр наадам зэрэг олныг хамарсан өдрүүдэд сумын хэмжээнд байх архи согтууруулах ундаагаар үйлчилдэг 13 цэгт хяналт шалгалт тавьж, бага насны хүүхдэд болон иргэдэд архи согтууруулах ундаагаар хуулийн тогтсон хугацаанд үйлчлэхгүй байх талаар заавар зөвлөмжийг өгч ажилласан. Үүний үр дүнд архидан согтуурах чиглэлээр хэрэг зөрчил илрээгүй.

Тариалан сумын ойролцоо улсын чанартай зам дагуу авто машиын аваар осол гарч хүний амь нас, эд хөрөнгө сүйдсэн газарт анхааруулах самбар байршуулав.

Тариалан сумын нутаг дэвсгэр улсын чанартай зам дагуу хяналтын постыг ажиллуулж иргэдэд хууль эрх зүйн мэдлэг, мэдээлэл өгч ажилласан.

Тариалан суманд ГХУСАЗСЗөвлөлийн даргын батласан Удирдамжийн дагуу тодорхой ажлууд 2024 оны 03 сарын 20-ны өдрөөс 2024 оны 04 сарын 20 -ны өдөр хүртэл 1 сарын хугацаанд аян зарлагдаж Цахим гэмт хэрэг болон хулгайн гэмт хэргээс урьдчилан сэргийлэх, сурталчлах ажилд иргэд, олон нийт, албан байгууллагыг татан оролцуулж ажилласан.

Аймгийн Засаг даргын орлогчийн 2024 оны 01 дүгээр сарын 22-ны өдөр баталсан “Согтууруулах ундаа худалдах, түүгээр үйлчлэх, тусгай зөвшөөрөл авах хүсэлт ирүүлсэн хуулийн этгээдийн үйл ажиллагаанд” төлөвлөгөөт бус хяналт, шалгалт хийх, Сумын ИТХурлын дарга, Засаг даргын 2024 оны 01 сарын 24 өдөр баталсан “Сар шинийн баярыг угтан хүнсний аюулгүй байдлыг хангуулах чиглэлээр урьдчилан сэргийлэх хяналт, шалгалт хийх” тус тус удирдамжийн дагуу аймгийн ХХААГ, ЭМГазар, Онцгой байдлын газар, Цагдаагийн газар, сумын ГХУССЗөвлөл, ХААТасгийн мэргэжилтэн, ЕБС-ийн нийгмийн ажилтан, ЭМТөвийн эмч, иргэдийн Төлөөлөгчдийн Хурлын төлөөлөгч нарын бүрэлдэхүүнтэй хяналт шалгалтын баг 2024 оны 01 дүгээр сарын 26 өдрөөс 02 дүгээр сарын 02 өдрүүдэд суманд хүнсний чиглэлээр үйл ажиллагаа явуулж байгаа 32 цэгт хяналт хийж, зөвлөн тусалж ажиллалаа.

Тариалан сумын Гэмт хэргээс урьдчилан сэргийлэх ажлыг зохицуулах салбар зөвлөлийн даргын өрөөнд "Бадрах" багийн "Хөршийн холбоо"-г шинэчлэн байгуулж, гишүүдтэй уулзалт хийж санал хүсэлтийг сонсож мэдээлэл хийлээ. Энэхүү уулзалтаар зөвлөлийн гишүүдийн ажлын чиглэлийг тодорхойлж, Гэмт хэргээс урьдчилан сэргийлэх, цаг үеийн ажлын талаар мэдээлэл хийв. Сумын ГХУСАЗСЗөвлөл

"Малын хулгай, хулгайгаар мод бэлтгэх гэмт хэргээс урьдчилан сэргийлэх" сарын аяны хүрээнд Тариалан суманд үйл ажиллагаа явуулдаг Мал эмнэлэг, Мал махан бүтээгдэхүүн зарж борлуулдаг аж ахуйн нэгж иргэдэд Сумын Гэмт хэргээс урьдчилан сэргийлэх ажлыг зохицуулах салбар зөвлөл, Цагдаагийн тасаг, ЗДТГ-ын мал эмнэлэг үржлийн тасаг хамтран сургалт, мэдээллийг зохион байгуулж цаашид хамтран ажиллах талаар үүрэг чиглэл өглөө. Сумын ГХУСАЗСЗөвлөл

Сумын иргэдийн Төлөөлөгчдийн Хурлын дарга Д.Энхтөр, сумын Засаг Дарга Х.Эгиймаа нар 2023 оны 10 дугаар сарын 31 өдөр баталсан удирдамжийн дагуу Сургууль, цэцэрлэгийн орчинд хүнсний худалдаа, хоол үйлдвэрлэлийн үйлчилгээ эрхлэгчдийн үйл ажиллагаанд хяналт тавих, хүнсний аюулгүй байдлыг хангуулах, чанар аюулгүй байдлын шаардлага хангаагүй хүнсний бүтээгдэхүүн хэрэглэгчдэд хүрч, хүний амь нас, эрүүл мэндэд сөрөг нөлөө үзүүлэхээс урьдчилан сэргийлж, зөвлөн туслах чиглэлээр хяналтын ажлыг сумын ИТХ-ын нарийн бичгийн дарга Ч.Тунгалаг, ЗДТГ-ын ЖДҮ, хүнсний асуудал хариуцсан мэргэжилтэн Э.Эрдэнэбат, Эрүүл мэндийн төвийн эмч Б.Энх-Ариун,сувилагч Ж.Ганнасан, Сургуулийн хоол зүйч Ц.Энхчимэг, ИТХ-ын төлөөлөгч Г.Цэнд-Аюуш нар 2023.11.02 -ны өдөр Тариалан сумын ерөнхий боловсролын сургууль, цэцэрлэгийн орчны хүнс үйлдвэрлэдэг болон хүнсний худалдаа эрхэлдэг 8 цэгт хяналт шалгалтын ажлыг хийлээ.

Сумын иргэдийн Төлөөлөгчдийн Хурлын дарга Д.Энхтөр, Засаг дарга Х.Эгиймаа нарын 2023 оны 10 дугаар сарын 23 -ний өдөр баталсан “Малын хулгай, хулгайгаар мод бэлтгэх гэмт хэргээс урьдчилан сэргийлэх” сарын аяны (2023.10.23-2023.11.23) хүрээнд иргэдэд гэмт хэргийн чиглэлээр хууль дүрэм сурталчлах, Малын тоо толгойн албан татварыг малчдаас хураах зорилгоор Тариалан сумын Баянхошуу багт 2023 оны 11 дүгээр сарын 2 өдөр тус багийн Засаг дарга Д.Сарантуяа, сумын Олон нийтийн цагдаа З.Баттулга, сумын иргэдийн Төлөөлөгчдийн Хурлын ажлын албаны мэргэжилтэн П.Баярбадрах нар ажиллаа. Баянхошуу багийн малчин өрхүүдээр Гэмт хэргээс урьдчилан сэргийлэх малын хулгай, хулгайгаар мод бэлтгэх сарын аяны удирдамж, төлөвлөгөөг танилцуулан, сумын ГХУСАЗСЗөвлөл болон цагдаагийн албан хаагчдын утасны дугаар, брошюр, тараах материалыг тарааж ажиллаа. А.Төртогтох, Т.Дүүрэнбаяр, Д.Товуудорж, Д.Дарамсэнгэ, Дунгаа, Мөнхзаяа, О.Отгон, Даваадорж, Д.Сэдэд, О.Эрдэнэбат, Ж.Даваадорж Д.Анхбаяр, Дарьсүрэн, Даваажав, Түвшинжаргал, А.Ганзориг, Г.Өлзийтогтох, Раднаасэд, Н.Тунгалаг, Б.Баасанжав, Н.Бадга гэх мэт 32 айл өрхөөр орж нийт 58 хүнд Гэмт хэргээс урьдчилан сэргийлэх хууль дүрмийг танилцуулж, хөршийн холбоо, айл хотоороо нэгдэж хамтран ажиллах талаар яриа өрнүүллээ. Баянхошуу багийн Соёл мэдээллийн төвөөс малчид иргэд хууль эрх зүй, соён гэгээрүүлэх, мэдээллийг авч мэдээллийн цаг, багийн иргэдийн нийтийн хуралд идэвх санаачилгатай оролцох талаар хэлж санал бодлоо хуваалцлаа. Сумын ГХУСАЗСЗөвлөл.

Тариалан сумын Гэмт хэргээс урьдчилан сэргийлэх ажлыг зохицуулах салбар зөвлөлөөс "Малын хулгай, хулгайгаар мод бэлтгэх гэмт хэргээс урьдчилан сэргийлэх" сарын аянг 2023.10.23 өдрөөс 11 сарын 23 өдөр хүртэл зохион байгуулахаар тогтов.