Кирилл, Монгол бичгээр гадна хаяг шинэчлэх арга хэмжээний тухай.

Тариалан суманд Сар шинийн баярыг угтсан Улс, аймаг, сумын цолтой болон залуу бөхчүүдийн нээлттэй барилдаан 2025 оны 02-р сарын 23-ны өдөр зохион байгуулагдана.

Тариалан сумын Засаг дарга Ё.Батзориг Үндэсний өв соёлыг өвлөн тээгч Үндэсний шагайн харваачдын төлөөлөлтэй уулзаж, сум орон нутгийн ажлын талаар мэдээлэл өгч, цаашид хамтран ажиллах талаар санал солилцон, ✅Хүүхэд багачуудын дунд Үндэсний өв соёлыг өвлүүлэн, хөгжүүлэх чиглэлээр сургалт зохион байгуулж байхыг үүрэг болгов. ✅Мөн зуны дэлгэр цагт сум орон нутгаа сурталчилах зорилгоор Бичигт хадны ТОЙРОМ ХАРВААГ жил болгон нээлттэй зохион байгуулж байхаар тохиролцов.

УЛСЫН АВАРГА ТАРИАЛАНЧ-аар Хөвсгөл аймгийн Тариалан сумын иргэн "БАТЗОЛ" ХХК-ны механикжуулагч Сүрэнжавын Анхбаяр. УЛСЫН АВАРГА ТАРИАЛАНЧ ХАМТ ОЛОН-оор Хөвсгөл аймгийн Тариалан сумын Л.Батцэнгэл захиралтай "ХОНГОР ХУВТ" ХХК-ны хамт олон тодорлоо.

Сумынхаа иргэдийн санал, хүсэлтийг сонсох зорилготой "ИРГЭНД ЭЭЛТЭЙ УТАС" ажиллуулж эхэллээ🤗 Иймээс та бүхэн төрийн байгууллага, төрийн албан хаагч нартай холбоотой санал, хүсэлтээ ☎️70381001 утсанд мэдэгдэж байна уу🤗. Лавлах утсанд холбогдоход анхаарах зүйлс: 👇 ⚠️Нэр болон утасны дугаар нууцалсан иргэдийн санал, хүсэлтийг хүлээж авахгүй! ⚠️Худал, хуурмаг мэдээ мэдээллийг хүлээж авахгүй! ⚠️Гомдол, өргөдөлтэй холбоотой мэдээ, мэдээллийг лавлах утсаар бус бичгээр гарган өөрийн биеэр авчирч өгөх ⚠️Мэдээллийн үнэн зөв байдал, санал хүсэлтийг холбогдсон иргэн өөрөө хариуцахыг анхаарна уу‼️

Монголын ард түмний уламжлалт "Цагаан сар"-ын баярыг угтаж ОХУ-аас орж ирсэн хүнсний түүхий эд, бүтээгдэхүүнийг гар дээрээс, ил задгай зориулалтын бус орчинд худалдаалах явдал их гарч байна. Иймд иргэд та бүхэн худалдан авалт хийхдээ анхаарал болгоомжтой байж хүнсний хордлого үүсэхээс урьдчилан сэргийлнэ үү.

Сумын иргэдийн Төлөөлөгчдийн Хурлын дарга, сумын Засаг дарга нарын 2024 оны 05 дугаар сарын 07 -ны өдөр баталсан Тариалан суманд " Гэрийн нөхцөлд хүнсний чиглэлийн үйл ажиллагаа эрхэлж буй иргэн, аж ахуйн нэгжийн үйл ажиллагаанд хяналт шалгалт хийх удирдамж"-ийн дагуу Сумын ИТХ-ын нарийн бичгийн дарга, ЗДТГ-ын Хүнс, жижиг дунд үйлдэрлэл, хоршоо хариуцсан мэргэжилтэн, Нийгмийн эрүүл мэндийн төвийн мэргэжилтэн, Ерөнхий боловсролын сургуулийн нийгмийн ажилтан нар 2024.05.10 нд суманд үйл ажиллагаа явуулж буй 9 иргэн, ААНэгжид хяналт шалгалтыг хийж шалгалтын хүрээнд илэрсэн зөрчлийг арилгах, "Хүнсний чиглэлийн үйл ажиллагаа эрхлэгч дотоод хяналт хэрэгжүүлэх журам" -ыг мөрдөж ажиллахыг зөвлөж, хугацаатай үүрэг даалгаврыг өгч ажиллалаа.

Тариалан сумын иргэд, аж ахуйн нэгж, байгууллага бүрийг хоггүй, эрүүл ахуйн шаардлага хангасан, цэвэр цэмцгэр орчинг бүрдүүлэх зорилгоор удирдамжын дагуу нийтийн хог цэвэрлэгээг 2023.10.27 өдөр зохион байгуулж нэгдсэн ачилт хийж хогийн цэгт буулгалаа. Сумын ИТХ, ЗДТГ, Эрүүл мэндийн төв, Худалдаа үйлчилгээ явуулдаг аж ахуйн нэгж, байгууллага, Нийтийн ахуй үйлчилгээний төвийн ажилтан, албан хаагчид, сумын иргэд идэвхтэй оролцож нэг өдрийг өнгөрөөв.

Тариалан сумын залуучуудын 5 дугаар чуулганыг 2023 оны 10 дугаар сарын 10-ний өдөр сумын иргэдийн Төлөөлөгчдийн Хурал, Засаг даргын тамгын газар, Эрүүл мэндийн төв, Соёлын төв, Залуучуудын салбар зөвлөл хамтран зохион байгуулж, нийт 7 багийн 200 гаад залуучууд оролцож, сургалт мэдээллүүдийг хийн, залуучуудынхаа санал бодлыг сонсон, чуулганд оролцсон залуучууд уриалга гарган чуулган амжилттай зохион байгуулагдлаа.

Ар тархи багийн иргэдийн Нийтийн Хурлын хуралдаан болж 31 хүн хамрагдав. Тухайн хуралдаанд сумын ИТХ-ын дарга Д.Энхтөр " Иргэдийн Нийтийн Хурлын эрх үүрэг, иргэдийн оролцоо" сэдвээр, мөн сум орон нутгийн өнөөгийн байдлын талаар мэдээлэл хийлээ. Тухайн хуралдаанд багийн Засаг дарга А.Батсуурь, хүний эмч Л.Лхагва-Очир нар оролцов.

Сумын ИТХ-ын ээлжит XV хуралдаан сумын "Иргэний танхим"-д болж өндөрлөлөө. Энэхүү хуралдаанд 23 төлөөлөгч оролцож 85.1% ирц хангалттай байх тул хурлын ажиллагааг ИТХ-ын дарга Д.Энхтөр нээж үг хэллээ. Тухайн ээлжит Хуралдаанаар - 1. 2023 оны төсвийн тодотгол батлах тухай - асуудлыг хэлэлцэв.

Тариалан сумын Баянхошуу багийн иргэдийн Нийтийн Хурал - Алтангадасын зуны задгай талбайд боллоо. Үүнд: 1. "Цаг үеийн талаарх мэдээлэл" Илтгэгч нь: Засаг дарга Х.Эгиймаа 2. "Орон нутгийн хөгжлийн сангийн хөрөнгөөр хийгдсэн ажлын тайлан" Илтгэгч нь: Засаг даргын орлогч- Г.Болдоо 3. иргэдийн нийтийн хурлын эрх үүрэг, иргэдийн оролцоо. Илтгэгч нь: ИТХ-ын дарга Д.Энхтөр -нар дээрх сэдвээр тухайн багийн иргэдэд мэдээлэл хийлээ. Сумын ИТХ-ын ажлын алба 2023.08.03

Тариалан сумын ИТХ-ын 2017 оны 02 дугаар сарын 21 ний өдрийн дугаар 03 тоот тогтоолын дагуу сумын тахилгат уул Сант уулыг тахих зан үйл Гөрөөчин отог үүсэж хөгжсөний 335 жилийн ойн баяр наадам болно.

"Тариаланд зочлох жил-2023" ажлын хүрээнд Тариалан сумын иргэдийн Төлөөлөгчдийн Хурал, ЗДТГазар, Булган аймгийн Баян-Агт сумын ИТХ, ЗДТГазар хамтран тойргийн 5 сумдын ИТХ, ЗДТГ-ын ажилтан албан хаагчдын дунд нөхөрсөг уулзалт тэмцээнийг Тариалан сумын Сэлэнгэ багийн нутаг Сэлэнгийн голын мөсөн дээр амжилттай зохион байгууллаа. Хөвсгөл аймгийн Тариалан , Их-Уул Рашаант, Булган аймгийн Баян-Агт, Хутаг-Өндөр гэсэн 5 сумд оролцсоноос 1-р байрт Тариалан сум 2-р байрт Их-Уул сум 3-р байрт Булган аймгийн Баян-Агт сум тус тус шалгарлаа.